影片
更多
2018-08-08
105 浏览
我系鲁肉饭爱好者, 早闻呢间野之盛名, 经常想食, 但见亲条龙就唔开胃. 朋友早前搬屋到附近, 所以攞完筹可以上返佢度凉住冷气等 (打电话check叫到几号), 否则热到溶排咁耐真系啋你都傻.当然必食呢个. 0系我心目中, 台北既金峰系无可撼动既最爱, 我觉得好唔好食既标准自然以佢为准, 戴个头盔, 鲁肉饭有好多种, 好唔好食好主观. 鲁肉饭, 汁太多, 偏稀身.肥膏偏少所以缺了鲁肉饭的灵魂 --- 四溢的香气, 不过怕肥既友人就觉得比例岩岩好. 肉丝切得粗, 冇左鲁肉饭密集+易咬既口感. 明明系肉丝变左肉条. 不过D饭又煲得几好㖞, 唔淋唔硬仲几Q弹.搅匀来食, 普普通通不过不失, 唔impressive, 真心失望左.... 因为我揾左好耐香港都冇一间鲁肉饭接近到金峰既水平, 而D打手又吹到呢间几劲几劲. (咁但当然完胜好多扮台式「肉燥饭」既港式「免治猪肉饭」廿条街啦)其他小食, 盐酥鸡炸得唔太干, 成餐饭反而呢个仲惊喜过个signature鲁肉饭. 野饮叫左胚牙奶茶, 唔会难饮, 冇咩特别咁啰.BTW, 张凳真系超级唔舒适呀!!!!!!!! 可能系令人唔好坐太耐既做生意手段.
朋友早前搬屋到附近, 所以攞完筹可以上返佢度凉住冷气等 (打电话check叫到几号), 否则热到溶排咁耐真系啋你都傻.
当然必食呢个. 0系我心目中, 台北既金峰系无可撼动既最爱, 我觉得好唔好食既标准自然以佢为准, 戴个头盔, 鲁肉饭有好多种, 好唔好食好主观.
鲁肉饭, 汁太多, 偏稀身.
肥膏偏少所以缺了鲁肉饭的灵魂 --- 四溢的香气, 不过怕肥既友人就觉得比例岩岩好.
肉丝切得粗, 冇左鲁肉饭密集+易咬既口感. 明明系肉丝变左肉条.
不过D饭又煲得几好㖞, 唔淋唔硬仲几Q弹.
搅匀来食, 普普通通不过不失, 唔impressive, 真心失望左....
因为我揾左好耐香港都冇一间鲁肉饭接近到金峰既水平, 而D打手又吹到呢间几劲几劲.
(咁但当然完胜好多扮台式「肉燥饭」既港式「免治猪肉饭」廿条街啦)
其他小食, 盐酥鸡炸得唔太干, 成餐饭反而呢个仲惊喜过个signature鲁肉饭.
野饮叫左胚牙奶茶, 唔会难饮, 冇咩特别咁啰.
BTW, 张凳真系超级唔舒适呀!!!!!!!! 可能系令人唔好坐太耐既做生意手段.
服务生正正常常态度, 但冇咩点理过我地, 因为真系太多人啦.
伏味唔系话阿元好差, 佢唔系hae既, 只是网络打手过份的吹奏, 令人期望越大失望越大.
价钱合理但真心, 完全唔值等咁耐. (今次好彩可以在室内等咋)
食物质素平平无奇, 所以真系唔会再回头了.
相信自己的味蕾, 不要相信网上食评.
张贴