北京水餃店 (已易手) 新餐厅

上星期睇徐淑敏食到津津有味。今日就去试下呢间北京水饺。地方吾大。好在冇乜人。见到有好多老板同明星既合照。好似真系好出名甘。我地两个人。叫左两碗水饺。一碗系香茜猪肉饺。另一碗系北京水饺酸辣汤底。仲有一个北京馅饼同冻豆浆。其实两款水饺都冇乜特别。同其他有得食水饺既地方差吾多。个酸辣汤底吾会太辣。岩岩好。而且仲好足料。但系好可惜食食下见到有头发。顿时食欲大减。香茜猪肉饺同埋北京水饺个馅料都好足。足到可以话系太多芫茜同韮菜。食完成日。都仲有芫茜同韮菜味。最后个北京馅饼系个老板介绍我地食既。个饼皮太厚。但系都不过不失既。虽然吾知道会吾会去再食。但系觉得食左一次就够。今日食完吾会有再想食既念头。单系睇电视睇老板同明星既合照。真系觉得好吸引。但系原来吾系特别好味。只系普普通通。味道吾会好到要特登去揾呢一间北京水饺黎食。