居食屋「和民」 (已結業)

今日打算同一班朋友行街，未开始血拼前当然系要医下肚先，中环系商业区，而和民价钱相对较为便宜，所以我地就选择左系度食lunch拎位只需要系门口位输入人数就会比张票你，等位既时间亦都唔耐，五分钟左右就入坐。室内既灯光较暗，比人一种阴暗既感觉。lunch set既选择好多，花多眼乱，加上有日替选择，都花左唔上时间系拣食物度，最后我地每人分别叫左: 石锅豚肉饭同照烧鸡扒定食。落单之后，前菜都好快就上左，系类似韩式既粉丝，味道酸酸甜甜，份量适中，认真开胃。上菜啦，先讲下我食既石锅豚肉，因为系石锅，所以我等左阵先捞起啲饭，咁就可以食到饭焦，酱汁适中，豚肉份量都好多，真系好足料！味道上正常，同坊间既豚肉饭无太大分别，口感上无咩新鲜感，无惊喜既感觉。之后系照烧鸡扒定食，系烧板除左鸡扒外，仲有牛油薯仔。因为系铁板烧，所以保持到食物既温度，味道都中上，但牛油薯仔有点济，size上可以减细啲。下次黎中环，谂唔到食咩可以黎试下