辛味屋

营业中

休息中

睇食评啲人讲到好好食，仲要好评占多数，咁就揾日去试下系龙定蛇。呢间辛味屋就系札幌隔离，去到门口唔洗等位，即刻坐底望下有咩食，于是叫左个二人餐试下，主食各一款，小食任选三款，指定主食要加$10先有。咖喱味道一般唔辣，冇想像中好食，吉猪比较薄，味道一般，吉列外皮炸过龙偏硬，比较失败，蛋普普通通无咩特别，成碟咖喱饭食落真系同银咖喱既质素冇咩分别。拉面系朋友食既，佢就话好普通，冇咩特别，话以后都唔会试。饺子唔热，外皮唔脆，馅料冇嚟味道，失败。。。。炸鸡外皮唔脆，略油，鸡肉的调味有说不出的怪，同埋个酱都系唔多得。。。三款小食入面比较好少少，鱿鱼弹牙，味道还好。整餐的食物味道未如理想，如食物味道唔掂，热度唔够，五款入面都冇一样系出色，冇下次。