台風。R

营业中

休息中

午饭时间，专程由湾仔中心行去近铜锣湾多啲嘅台风。R，试下佢嘅拉面。去到现场，门口有5-6人排队，非常好生意，因而令我对呢间拉面店嘅期望大增。但食完之后只可以讲一句：平平无奇。我嗌咗鱼介豚骨拉面($78，毋需加一)，卖相一般、份量一般，拉面软硬度(无得拣)适中，汤底味道唔错，但略嫌唔够鱼味，有负鱼介豚骨嘅朵。另外，店面企理、服务一般，整体嚟讲：平平无奇嘅一间日式拉面店，唔值得花时间排队试。顺带一提，铺头位置系近铜记多过湾仔，搭MTR嘅朋友记得喺铜记落车。