唯一麵家

营业中

休息中

大家早咗做完嘢见时间有啲松动就走咗去揾嘢食，既然本身响葵芳区当然就会先走去睇吓葵芳广场有啲乜嘢食啦。去到葵芳广场因为真系午饭时间，所以好多餐厅都大排长龙，咁啱见到唯一面家好似唔使等好耐位，朋友又觉得好耐冇食过唯一，所以就响𠮶度等咗一阵就即刻可以坐低食。其中一个叫咗个云吞汤面，响另外一个朋友去咗厕所嘅时候返到嚟𠮶碗汤面已经嚟咗，真系快到一个点，味道方面可以话用稳阵你形容，食完唔会记得，但系唔会难食。另外叫咗个酸辣汤面，以前个酸辣汤面最大问题，佢会用埋个冬菇定，但系好多时个冬菇定系咬唔到嘅，今次唔知系咪佢哋改善咗，食晒成碗都冇呢个问题，感觉好咗好多。