來發火鍋小館

营业中

休息中

叫左个$188嘅卜卜贝蚬兄弟家族，话可以食完卜卜蚬可以用嚟打边炉。点知上枱系用好浅嘅平底锅🍳。之后放啲🦐虾丸粟米🌽落去，发觉只浸到一半，就问楼面可唔可以转返个深啲嘅煲🥘比我地，点知佢话个个客都系咁食，拒绝换煲。再话如果要换煲，就比钱再叫一个汤底。其实比钱叫多个汤底冇问题，最后我地都叫多一个。但个人觉得打左几十年边炉，都未试过个煲系咁浅，连烚都烚唔到，咁就不如直接同客人讲个卜卜蚬锅系净食算啦！我只系转个煲啫，又唔系叫你比个全新嘅汤底我，叫多个汤底比你赚多几十蚊客人唔再光顾，咁又何苦呢？发生完依件事之后，其实全枱人都感觉好不愉快。点知新汤底到嘅时候，楼面收走旧汤底嘅同时，竟然叫我地自己将碟上面嘅蚬壳倒入旧锅比佢收走🤬。不如我帮你收埋入厨房洗埋先走好冇？总括嚟讲，食物都算可以嘅。价钱亦唔算贵，正正常常。如果唔系服务上有咁嘅体验，都会再嚟光顾。