Red Lobster (Fashion Walk) (已結業)

睇介绍就唔可信，亲身去试一试先知道实际情况系点！专程避开中午放饭人流，下午两点几去到都要等半个小时先有位。唔讲咁多即刻介绍下啲大虾味道系点啦！.呢个自助餐$198有六款唔同嘅主菜你拣， 第一样先拣咗夏威夷椰子虾同埋大虾意粉配龙虾酱先。 炸到金黄色嘅椰子虾虽然食落有少少干身，但系加上椰丝同少许菠萝粒系面一齐食，感觉几特别。 至于个龙虾酱意粉个味道就比较淡，不过意粉煮得唔错，唔会好淋好散同易断。.轮到招牌蒜蓉虾同埋爆谷虾， 我完全谂唔到佢嘅招牌蒜蓉虾系点招牌法，一啲蒜蓉味都食唔出，净系feel到好油， 不过虾肉食落都算结实。至于个爆谷虾真系除咗卖相特别之外，我唔系好建议大家食，炸得太干身之余仲要好细粒。.最后系烤大虾， 我觉得系咁多款入面最好食嘅一款。起码啲虾配埋佢嘅酱汁一齐食味道唔错，同埋食落知道自己系食紧虾，我都食咗好几串。.你话抵唔抵就见仁见智啦，值唔值得试都好睇你有冇钱呀。不过如果畀咁嘅价钱应该有更加好嘅选择。