影片
更多
2014-03-31
13303 浏览
好耐无黎食喇，咁都订到我最喜欢张枱，系最入既一张，远离酒吧同入口，够静又坐得舒服。今晚天气非常好，维港夜景尽收眼底，真系好靓 ﹗一阵仲可以睇埋维港既幻彩咏香江添呢。 今晚八人饭局，谂左好耐决定叫个六人餐再散叫几碟小菜啦，因为个六人餐有南海一号既招牌菜金榜大虾同贵妃汤饭啰 ﹗最低消费每位 HKD500，所以仲有空间叫多几个送。炸虾片，似薯片啰，味道一般。烧腩仔，不过不失，合格。肥瘦适中，肉质软垫带咸香，几好味 ﹗层皮都脆既，但口感假左啲，一咬就碎，似系翻煎或翻烧过，青葵陈醋云耳，有阵清香青葵味好醒神。云耳爽口，辣辣地又酸酸地好开胃。南海 XO 酱鸭舌，一直都以为系麻辣鸭舌，所以感到奇怪点解半点麻辣味道都无呢？原来只系辣 XO 酱，味道只属微辣，鸭舌肉质滑溜又弹牙，卤水入味带点清香，好味呢 ﹗椒盐龙须，椒盐？依个真系无味㖞，又食唔到鱿鱼味，可唔可以比个喼汁我点呢？口感就几好既，外层松脆，鱿鱼须咽咽靭靭。炖响螺鸡汤，超级香浓呀 ﹗好味到不得了 ﹗未放上枱，响螺味已经扑面而黎喇 ﹗饮落又胶又浓，热辣辣大啖大啖咁饮，实在停不了 ﹗但每人只得一碗乍 ﹗金榜大虾，招牌名菜，一定要食 ﹗自家得奖金榜汁
肉架㖞 ﹗攞黎煲汤、炒饭、整生菜包都好麻。片皮鸭，南海系皮连肉一齐片架，片完都唔见得有几多乍㖞，不过每人都应该可以分到两至三件既。由楼面姐姐负责片，我硬系觉得唔系由厨师操刀点都差?啰 ﹗食落鸭肉鸭皮还可以啦，味道唔系特别出众，而且肉汁欠奉，所以有点 dry dry 地。不过大致上都满意既，用薄饼卷住两片鸭加青瓜条再加海鲜酱同吃，都十分冶味 ﹗好满足。上汤浸腐竹银杏凉瓜，唔知凉瓜系咩品种呢，从未见过可以片到咁薄，最初都估唔到系咩黎架，要放到入口先知系凉瓜乍。味道带甘而不苦，令人越食越想食，够晒谂又索够上浸，好食。炸乳鸽，炸得金黄香脆，米芝连即系米芝连。肉嫩汁多，香气扑鼻 ﹗不油又不腻，一旧未食完已经想食第二旧喇 ﹗我当然唔客气啦，哈哈。个个都唔食头唔食颈，咁又益左我喇 ﹗一野咬落个鸽脑度，里面湿润软棉而甘香，其实鸽脑味道同质感跟鹅肝差不多啫。龙虾汤泡贵妃饭，又一味招牌名菜，限量每人一碗架乍 ﹗米系炸过架㖞，口感似米通卜卜脆好过瘾 ﹗龙虾汤香而不浊，清得黎带点忌廉味道。灯影煎堆，同事见到隔离有煎堆，自己又想食啰。无问题，齐齐试试啦。即叫即炸热辣辣，外层舖满芝麻，十分香脆，咬落咽咽??，口感一流 ﹗但系味道偏淡，再甜少少会好味啲。虾片、烧腩仔、陈醋云耳、椒盐龙须、南海 XO 酱鸭舌、天麻鱼皇、龙虾汤泡贵妃饭、美极煎黑豚、水煮特级肥牛、上汤腐竹浸凉瓜、金榜煮大虾、片版鸭、灯影煎堆 ﹗我地都唔系食好多野啫 ﹗
张贴
