影片
更多
2022-06-22
867 浏览
香港地做饮食真系好难！只做一方美食？市场太窄。做多国美食？又同茶餐厅差唔多，好难令人眼前一亮。今次帮衬嘅大公鸡就系咁样，店员响门口叫卖：「正宗台湾料理、又有马来咖哩、仲有港式奶茶。」感觉好难定位，但行到门口都试下啦！😅其实打开餐牌，大部份都系台湾料理。今日点咗手工菜肉馄饨、炸大肠、红烧牛肉面、肉燥鸡扒饭、珍珠奶茶、奶盖朱古力。埋单免加一 （$237）唔算贵㖞！炸大肠（$42）唔知系咪台湾料理，对我而言系香港怀旧菜。猪肠切成长条形，每条都炸到脆卜卜，外脆内嫰。而且里面啲肥膏刮走晒，一啲都唔油腻，配酸酸地嘅菠萝，愈食愈想食。手工菜肉馄饨（$45）手工馄饨粒粒饱满，馄饨皮偏厚，好有饱腹感，系我钟意嘅馄饨口味。汤底系牛肉汤，同牛肉面撞咗。红烧牛肉面（$60）以前去台湾食牛肉面，分两派 - 红烧，清炖。清炖似我哋嘅萝白腩，口感清爽。红烧味道偏辣。但近期食过两次红烧牛肉面都系唔辣嘅，令我有少少怀疑「红烧」嘅定义。讲返大公鸡嘅红烧牛肉面，佢都系唔辣嘅，汤底偏甜口要自己加辣，有少少药材味。嚿红萝卜超大嚿，有几片卤水牛展，炆得好入味，面系扁面，爽口弹牙，而且佢嘅份量几足，一般男士都够饱。肉燥鸡扒饭（$6
其实打开餐牌，大部份都系台湾料理。今日点咗手工菜肉馄饨、炸大肠、红烧牛肉面、肉燥鸡扒饭、珍珠奶茶、奶盖朱古力。埋单免加一 （$237）唔算贵㖞！
炸大肠（$42）唔知系咪台湾料理，对我而言系香港怀旧菜。猪肠切成长条形，每条都炸到脆卜卜，外脆内嫰。而且里面啲肥膏刮走晒，一啲都唔油腻，配酸酸地嘅菠萝，愈食愈想食。
手工菜肉馄饨（$45）手工馄饨粒粒饱满，馄饨皮偏厚，好有饱腹感，系我钟意嘅馄饨口味。汤底系牛肉汤，同牛肉面撞咗。
红烧牛肉面（$60）以前去台湾食牛肉面，分两派 - 红烧，清炖。清炖似我哋嘅萝白腩，口感清爽。红烧味道偏辣。但近期食过两次红烧牛肉面都系唔辣嘅，令我有少少怀疑「红烧」嘅定义。讲返大公鸡嘅红烧牛肉面，佢都系唔辣嘅，汤底偏甜口要自己加辣，有少少药材味。嚿红萝卜超大嚿，有几片卤水牛展，炆得好入味，面系扁面，爽口弹牙，而且佢嘅份量几足，一般男士都够饱。
肉燥鸡扒饭（$60）肉燥偏甜口，𩠌饭一流。鸡扒好厚，煎得外脆内嫰，肉汁爆棚。肉与肉嘅配搭再加只卤水蛋，唔系饿底都顶唔住。
珍珠奶茶（$15）珍珠奶茶系粉开嘅，所以好一般，口味廉价，下次叫返港式奶茶好过。
奶盖朱古力（$15）朱古力味超浓，加咗奶盖嘅口感几滑，但好饱肚吓！唉～早知就叫佢啦！
撇除佢系主打台湾料理，唔好理佢正唔正宗，以全新食肆体验，大公鸡其实真系唔错！
张贴
