点寿司 (T Town North)

营业中

休息中

点寿司点寿司🍣成为我最近几个月午市食堂，平日午市好多人，有好多学生会黎食野。要提早攞位先有机会食到。星期六日同平日套餐不同，平日套餐会多啲野食🤣🤣🤤🤤吞拿鱼蓉角切丼五贯定食 💰62吞拿鱼蓉同吞拿鱼粒各半铺面，吞拿鱼蓉油脂丰富，入口即融捞埋吞拿鱼粒、葱花同寿司饭食，有多重口感，正😋😋！平日食既话，仲会有五件寿司🍣。都系普通嘅寿司包括蟹柳、北寄贝、三文鱼同玉子。套餐仲包咗一碗面豉汤，面豉汤入边有三文鱼肉，唔系净系用粉冲，有小小诚意感。忌廉抹茶 $22忌廉都算厚，饮到底都仲有忌廉捞抹茶，食完嘢饮当系饭后甜品咁。每食满$100仲有得抽奖🙈不过我自己就冇中过，听讲中咗有机会会有优惠券。整体嚟讲，刺身质素OK，星期一至五食套餐，送埋寿司同面豉汤，个份量会好饱。