Fifty Fifty (已結業)

呢日约咗朋友食饭，上网见到fifty fifty 评论好似唔错，地点系长沙湾，系正中心点，就约咗朋友嚟食啦~我哋约咗七点钟，餐厅入边坐左一半人，靓靓地气氛都唔错，装修方面仲几vintage 添👍餐单方面呢就唔系话超级多选择，不过价钱适中😽我哋两个人就嗌咗两个set，首先就嚟咗个餐汤先啦，个汤唔会太稀，仲几creamy 添😍跟住就梗系主菜啦，头先嚟咗个芝士菠菜意大利云吞，唔到份量都几多，云吞加埋芝士唔会话好漏，同个汁都好夹👍跟住系烧羊架配薄荷烧汁，因为朋友钟意食生啲嘅所以我哋今次嗌咗medium，即使系medium都唔会好大阵苏味👍而且分量一样都几大，两个人都未食晒主菜就开始饱啦🤪最后餐饮方面都几有惊喜👍我嗌左个热嘅玫瑰咖啡，本身对玫瑰都冇乜期望，因为出面好多餐厅玫瑰只系一个噱头，但估唔到嚟嘅时候杯咖啡真系有玫瑰味，非常之意想唔到，玫瑰加咖啡味都可以咁夹！而朋友就嗌咗个茉莉水果茶~总括嚟讲，餐厅静静地，人唔多，上餐速度都唔需要等太耐，同朋友放工嚟食饭放松下就啱晒啦！