意粉屋 (已結業)

今日闲日放假, 同啲朋友去食lunch。之前食过都ok, 又好坐, 而且唔算太贵。今日再食过。Lunch menu: 都几多选择。有普通嘅饭, 意粉, pizza同埋ribs可以选择, 而且仲有得跟沙律定拣酥皮汤, 或者两样都得。叫左酥皮意大利菜汤同埋沙律。今次沙律系烟三文鱼沙律, 三文鱼有2小片, 普普通通, 沙律份量一小碗, 都够食嘅。酥皮意大利菜汤都唔错, 块酥皮好似无之前食甘厚, 唔算好酥。汤入面都多料, 味道酸酸地, 唔辣嘅。饮完都有啲饱。肉酱意料份量都唔细, 有牛肉同啲碎蘑菇整成, 肉酱都多汁, 每条意粉都可以挂上啲酱汁。少少酸, 因为饮完汤都饱饱地, 食剩左啲。跟餐仲有餐饮, 都系普通嘅咖啡/茶。意粉屋嘅lunch都算系唔错。