宇治初時@自家創作料理

营业中

休息中

难得星期一放假，同屋企人一齐去葵广扫街。相离上一次嚟葵广已经有好几年，今次拣左几间未食过嘅人气小店，特别喺呢间好多好评，仲要长期排队等好耐嘅汤粉店。为免人多，所以我地准时12点嚟到小店落柯打，原以为排头位嘅我地，原来已经系第6张walk-in单🙉 餐厅其实可以以电话或者外卖平台落单，结果我地等左9个几字先食到🤦樱花虾汤粉$55 (天使辣)汤嘅温度只系温热，好处系粉丝唔会焗到过淋。个汤唔会好浓虾味，反而酸酸地、唔辣、饮落好正。身为配料嘅基围虾已经去左壳、肉质弹牙；仲有豆腐粒、娃娃菜、菜脯粒、细细嘅酸菜粒。我地将成个汤饮哂，都唔觉得好口渴🤤到左1点左右，小店门外企满哂人，所以呢个位特别焗同热。其实落单果阵职员会讲等几耐先出到餐，当日佢同我讲9个字，最后拎餐果阵其实真系咁上下时间，所以建议大家可以离开小店四围行完先番或者提早电话落单。小店可以八达通付款。