神石燒牛扒水產專門店 (如心廣場二期) (已結業)

荃湾如心广场二期开咗一段时间，有好多唔同种类嘅餐厅进驻，趁今日平日，同屋企人去试吓呢间铁板烧，由于平日嘅关系，再加上我避开繁忙时间，店内人唔多，坐得松动。呢间餐厅采用嘅系先买票后揾位嘅模式，类似日式拉面店，平日有优惠套餐都系50至$60左右，我哋叫咗一个神石美国天然牛扒，烧日本赤鱼，同埋鹿儿岛南国元气鸡。佢牛扒系几好味嘅，虽然系$60 ，但性价比好高，份量唔细，几香牛味，用铁板烧到四五成熟，啱啱好。赤鱼比我想像中软身，无乜口感，中意食滑口鱼肉既人应该会ok，但我普通啦，但味道唔差既。元气鸡系另外一个出色嘅，因为鸡肉好滑，系铁板上面烧到好香脆。呢间餐厅另外一个特色就系白饭味噌汤同沙律任装，饭系日本米，我自己就钟意味噌汤里面加少少白饭做泡饭，饭桶一定要黎试吓