影片
更多
2022-07-23
726 浏览
今日同同事谂住快快脆脆去到餐厅食个晏12:45已经去到餐厅，𠮶阵唔系好多人，但唔知点解就俾咗一个好差嘅位我哋坐。我哋坐咗系一个platform上嘅座位，极度唔稳阵，每个人一踏上个platform我张凳就会沉落去，坐得好唔舒服。我同同事已经即刻落咗order，但系等咗劲耐都未上到菜。我嗌咗蔬菜青咖喱，而我同事嗌咗鸡肉青咖喱。佢𠮶个已经一点十几分就出咗。我都等咗一阵但系我𠮶个未出，而我系要赶时间，所以就问佢几时有我𠮶个，佢话厨房要等煮多几分钟咁。佢1:30先比到饭我，即系我要等咗九个字先食到个饭。仲要我个蔬菜青咖喱其实系只系个鸡肉青咖喱冇咗啲鸡肉，大家嘅蔬菜都系一模一样，蔬菜嘅份量好似小过我同事食𠮶个鸡肉青咖喱。我个同事个咖喱睇落去靓靓囝囝呀，都见到佢系有少少心机想好似摆靓啲咁样啦，但我𠮶个真系求求其其咁俾我，个卖相劲核突好似差好求其。我睇见真系喊咗出嚟。仲要食食吓，啲人行过个platform，我就每一次都要feel到佢哋行路，坐得好辛苦。好明显𠮶个位原本唔系有张枱嘅，而系夹硬搭咗个platform出嚟，可以做到多啲客有多啲生意咁。但系佢个厨房根本cater唔到咁多人，出餐又慢。成间餐厅坐
12:45已经去到餐厅，𠮶阵唔系好多人，但唔知点解就俾咗一个好差嘅位我哋坐。我哋坐咗系一个platform上嘅座位，极度唔稳阵，每个人一踏上个platform我张凳就会沉落去，坐得好唔舒服。
我同同事已经即刻落咗order，但系等咗劲耐都未上到菜。我嗌咗蔬菜青咖喱，而我同事嗌咗鸡肉青咖喱。佢𠮶个已经一点十几分就出咗。我都等咗一阵但系我𠮶个未出，而我系要赶时间，所以就问佢几时有我𠮶个，佢话厨房要等煮多几分钟咁。佢1:30先比到饭我，即系我要等咗九个字先食到个饭。仲要我个蔬菜青咖喱其实系只系个鸡肉青咖喱冇咗啲鸡肉，大家嘅蔬菜都系一模一样，蔬菜嘅份量好似小过我同事食𠮶个鸡肉青咖喱。我个同事个咖喱睇落去靓靓囝囝呀，都见到佢系有少少心机想好似摆靓啲咁样啦，但我𠮶个真系求求其其咁俾我，个卖相劲核突好似差好求其。我睇见真系喊咗出嚟。
仲要食食吓，啲人行过个platform，我就每一次都要feel到佢哋行路，坐得好辛苦。好明显𠮶个位原本唔系有张枱嘅，而系夹硬搭咗个platform出嚟，可以做到多啲客有多啲生意咁。但系佢个厨房根本cater唔到咁多人，出餐又慢。成间餐厅坐满晒人，就系个个都要等劲耐先有嘢食。而一啲迟我好多入嚟嘅人都比我更加快有嘢食，所以都好明显系佢唔记得咗我张单，漏咗但又唔肯自己承认。
讲返佢嘅食物味道，我觉得个咖喱系普普通通，可能因为我肚饿啦，不过有啲偏辣。但系佢杯奶茶真系好差，好似水咁淡，冇奶亦都冇茶嘅味。所以佢哋嘢食嘅味道有几好都搭救唔到一个咁差嘅体验，我谂我唔会再去呢间度食。
蔬菜青咖哩
77 浏览
0 赞好
0 留言
多谢你睇完呢个review，希望你唔会好似我咁样中咗个伏
张贴
