譚仔三哥米線 (大窩口商場)

营业中

休息中

仲记得第一次食三哥，系住系大窝口既朋友带我去。平时去谭仔我都食开炸酱既，个次去食发现大窝口间三哥又既炸酱系比其他铺头多，当堂爱上左佢，但最近去食依次就麻麻啦...今次去食，好似之前咁我要左个炸酱米线，三酸汤底，加左杯冻柠茶。炸酱米线既食法比较多种，聪明人会一羹炸酱加一淡汤底，再放啲面，一齐放入口。凉凉地既炸酱，加上热既汤；炸酱既绵滑口感，再配上爽口既米线，合并出黎既爆炸力唔野小。如果汤底系辣既，炸酱当中既花生酱更同辣合奏出和谐既旋律，辣既味道额外多左份咸香！今次既炸酱同以往一样，分量唔少。但当中既花生味变淡左，咸香味冇之前咁突出，而且可能放得太耐，比之前食既更git, 有怪怪地既感觉。而且三酸汤底既味道冇之前咁明显，酸度同辣度都减低左。令我对今次既米线有啲失望....而冻柠茶放面，唔知系唔系柠檬早切定，杯茶既苦涩味比之前强烈。就算我点笃柠檬，当中既酸甜都出唔到黎，所以我只系入到茶...总括咁讲，我对依次三哥既表现有所保留。