超級自助壽司店

营业中

休息中

其实我一直唔明解呢间寿司冇乜装修，又逼人，但都成日人山人海。以前冇争鲜呢就话想食寿司过嚟呢度买外卖返屋企食，依家隔离有争鲜理应抢左唔少生意，但系都仲系好鬼多人。两个人今日七点钟落到黎得返一张枱刚刚唔使等位，其实本身想食寿司不过叫咗个吞拿鱼鲜果沙律就唔想再食咁多冻嘢啦，叫咗个鳗鱼乌冬面，朋友仔就叫咗个猪软骨拉面，见到个价钱都唔平。鳗鱼乌冬面就分开上嘅，鳗鱼好林都有半条，个汤乌冬面呢乌冬面就普通唔多烟韧，汤底好奶冇乜猪骨味，要落七味粉。猪软骨拉面个汤底都系冇乜味，拉面都系普通野，配料唔多啰🙄猪完软骨冇汁旧骨唔够软。吞拿鱼鲜果沙律最迟先上菜，吞拿鱼就好多但系鲜果就唔多够，粟米粒都系急冻食物嘅通病太粉唔爽。仲细细碟。我喺个冻柜隔离见到厨工师傅拎咗啲郁郁下嘅蟹仔出嚟，唔知可以点整。有几多海鲜摊晒喺度，不过今日都系唔食，因为唔饿。买单唔使200，热食质素就普通，不过其实都几贵。可能刺身会好啲。