霞小飛 (已結業)

老公系上海人，对香港上海菜口味一向腌腌尖尖，好难得一两间佢话价性比高。今次因为见呢间唔洗点等位，所以试下。个门口姐姐我地体谅佢工作辛苦，但佢个苦瓜干咁嘅面口over左dd, 我希望佢放左工会开心返d啦，虽然我差d俾佢skip左个号码飞……好彩我死都唔行开啫我地叫左黄鱼面，炸酱面，小笼包，生煎包，雪菜毛豆百页。黄鱼面非常好食，黄鱼无骨，厚肉，汤底鲜甜，面索晒d精华，好入味。炸酱面偏淡味可以甜d，但足料，不过唔系我钟意果种味。小笼包好普通，只能讲唔难食，因为个肉馅唔掂，肉无鲜味又散开，唔足料，皮唔算薄。反而生煎包相对地精致d, 但个肉馅一様有待改善。全晚最满意嘅竟然系个雪菜毛豆百页，因为佢唔做作，好地道上海住家味道，因为似我奶奶煮嘅味道。非常好食~