阿芳上海餛飩

营业中

休息中

平时出亲街食饭，都偏向食重口味嘅肥腻野。见肠胃麻麻地，想拣番啲清淡嘅住家味道。同行朋友同我一样，叫咗韭菜猪肉饺子配年糕，分别叫咗糖醋排骨同埋拍黄瓜。拍黄瓜比较少见地用豆瓣酱调味，辣到适中，如果可以有多啲咸味吊一吊味就会更加出色。糖醋排骨非常醒胃，筋嘅部份有弹性。未至于做到入口即溶，有啲部份肉质算老，但系整体来讲酸甜度嘅平衡恰到好处。至于水饺真系好有住家嘅感觉，猪肉唔肥韭菜够多，水饺皮唔会太厚太薄。可能因为冇落味精，樱花虾汤底相对清淡，所以年糕都冇乜味道。好处系食完真系冇口干嘅感觉，你知道佢真系真材实料。两人埋单＄100有找，有小食水饺年糕豆浆，认真抵食。