Fun Fun 串串鍋 (已結業)

任饮任食$158一位，呢个时势真系超平！首先就可以选择汤底、我怕好辣所以冇叫麻辣锅。拣咗胡椒猪肚汤。呢度嘅汤底非常足料，味道好够浓，加多几次汤胡椒仍然非常辣。呢度火锅配料可以写纸，有肥牛、豚肉、芋丝、薯仔片、莴笋等等。另外出边冰柜亦都有唔同嘅火锅配料有菜类、鱼蛋、蟹子丸、芝士丸等等。串好一串串嘅亦都有好多款式，有鸡翼、水鱿鱼、牛柏叶、红肠、蟹柳等等，真系多到数唔晒。呢度嘅食材算唔错，唔够饱仲可以食个公仔面、乌冬等等。我觉得呢度嘅肥牛质素算几好，有牛味而且唔算太肥、肉质放题算几好。除咗食物仲有多款饮品任饮、仲有阿波罗雪糕及豆腐花，呢个价钱咁多嘢食真系非常经济！