老地方 (已結業)

去完大埔医院探病，就行返落去大埔中心揾食，醒起之前嚟过一间又平又好味嘅餐厅就介绍老公嚟食。一入去就见到每周特价餐牌，就叫咗个卤水猪肠，只是＄15 ,热辣辣，有冧又好味。菠萝炒饭嘅味道不错，够足料，仲有啲星洲炒米呀嘅味道。番茄猪扒饭唔使＄40都好大碗，猪扒都几大块，煎得好香，又够冧，番茄汁都香浓。饮品方面，有雪糕嘅朱古力，见到都流晒口水，好吸引，荔枝乳酸系用一支益力多黎整架，味道调得好正，我会推介！环境装修得非常可爱，有人手画嘅墙画，令人有家嘅感觉，只是冇耳背嘅座位，坐得冇咁舒服。