上海一品香菜館

营业中

休息中

观塘广场一向俾人感觉系好平民既地方，多数系路过拮下鱼蛋烧卖，又或者入马会买马，买下电子嘢等等，好少会食正餐，因为环境真系麻麻甜酸鸡球地。呢间小店位于角落，但人龙就排到出门口，我哋一行几人都无谂过平日夜晚都咁爆咁旺场，只好系门口坐。四个女仔，嗌咗鸡丝粉皮， 甜酸鸡球，西湖牛肉羹，鱼香茄子，加个鸡丝炒饭。鸡丝粉皮，充满麻酱既鸡丝配上青瓜丝，底下铺满粉皮，清凉爽口，作为头盘非常开胃，麻酱份量适中，而且青瓜丝食得出系即切而唔系整定，爽脆又无出水，食到索索声。甜酸鸡球，可能汁比较多，所以鸡球表面既脆粉唔够脆，不过就好索汁，用嚟捞饭好醒胃。西湖牛肉羹，用切碎嘅芫茜配上牛肉碎同豆腐粒，非常滑溜，莞茜细到咬唔到，但又有香味，豆腐好滑溜，似系布包豆腐，牛肉系米粒size，唔会太大，成件事入口好住家feel，清淡但好味。鱼香茄子，亦系多汁既菜式，有少少辣椒同蒜，但咸鱼比较少，肉碎比较多，配埋茄子又系好送饭。鸡丝炒饭，成餐饭最欣赏既系佢，饭同蛋丝好夹，食到镬香味，鸡丝有少少咸香，饭够干身，粒粒分明。成餐饭四个人，三百零蚊，非常抵食。