牛知己 (已結業)

今日又做孤独的美食家，派左消费券午餐食豪少少，走黎牛知己食火锅，上网睇过有d午餐任食套餐几抵就黎试试。黎到睇下餐牌就同之前网上介绍既有唔同，以前系有料理再加饮品任饮同雪糕任食，而家转晒做火锅套餐。中午时间黎到都无乜客，计埋我都系4枱客左右，店内环境都算细，1个人都坐到张4人枱好舒服，服务员态度都唔错，主动开多部冷气俾我话凉d，值得赞。点左个韩式雪浓汤底，牛肉就一碟不是任食，但都有超过十小块，拣左牛肩肉比较有肉味，瘦得黎都有d油脂，用黎火锅就最好，雪浓汤底都几清甜，其他配料就自助任食，食几多拎几多不要浪费食物，配料都系d平价野，丸类得龙虾丸，贡丸同墨鱼丸，其他都系蔬菜类，想食主食有乌冬，公仔面同饭都有，不过个人意见个乌冬唔多好食。另外仲有汽水任饮，唔想饮汽水仲有椰水同乌龙茶，仲有啤酒tim，不过食完仲要开工就唔好饮酒啦。雪糕又系任食，不过今日得一只味咖啡味，食饱火锅食返杯雪糕结尾。整体黎讲cp值几高，几十蚊就可以食火锅同任饮饮品同甜品，虽然过配料唔系高质但一分钱一分货，够平民价，环境同服都唔错，可以返食。