老街 (已搬遷) 新店位置

见新一年当然买对新鞋过年，琴晚就同朋友去旺角行下；不知不觉已经到晚饭时段 朋友突然讲起上次间台湾菜好食又吾贵，我地就二话不说就去左"老街"了！老街果然有不少食客等紧位，相信食物质素一定有保证啊！红烧牛肉面：汤底十分浓郁，令到整碗面好惹味；面质爽口又弹牙，软硬适中，份量同样足够；重点既红烧牛肉好林身，而且吸入吾少汤汁，一咬落去 口中可以感受到汤和牛既味道，十分美味啊！推介～木鱼炸豆腐：依款食品系朋友必推介比我食，豆腐好大旧；经过炸既过程，豆腐外脆内软，外层口感十分香脆；上面有些少酱汁令豆腐味道不会单调！夜市小香肠：又是一样推介食品！小香肠好实肉，味道甜甜的；相信大人同小朋友一定系最爱！卤味切猪耳：如果大家中意食啲有咬口既野，就要试下猪耳啊！猪耳好入味，而且有口感得黎，又吾会太硬；仲带少少爽口！酥脆盐酥鸡：鸡粒不油腻，颜色是金黄色的，带有肉味；的确是台湾的味道。泡沫红茶（另加：椰果）：大大杯，红茶香口；仲可以加自己中意既配料入去饮；果然不错！