爺爺雞煲皇 (美景街) (已結業)

今晚同同事两枝公都唔驶返归陪老婆, 同事建议去佢屋企附近食返餐鸡煲, 反正由佢屋企有直接巴士返到我家, 我地一收工就到北角搭船去位于土瓜湾呢间爷爷鸡煲皇 。😙爷爷鸡煲皇位于土瓜湾美景街, 由九龙城码头行大概8分钟左右就到。餐厅有别于附近嘅食店, 门面比较光鲜, 店内装修亦都非常干净企理。由于同事系呢度嘅常客, 食物当然由佢发办, 我地先食左餐厅招牌爷爷鸡煲, 食完再点火锅配料打边炉。😁胡麻冰菜 鸡煲预备紧嘅时间, 同意点左碟胡麻冰菜, 冰菜以冷盘上, 味道清爽, 加上酸酸甜甜嘅胡麻酱, 味道醒胃。👍自家制炸响玲 炸鱼皮  由于我地两个人怕点一份炸鱼皮太多, 店员好贴心咁建议我地转做双拼, 餐厅自家制炸响玲同炸鱼皮由于系现炸, 非常香脆, 特别系炸鱼皮, 确系非常惹味可口。😋爷爷招牌鸡煲(半只) 虽然只系点左半只鸡, 不过呢个爷爷招牌鸡煲份量都超级多, 鸡肉嫩滑, 我地拣左少辣, 辣度刚好, 连洋葱都好入味, 我地好快就将鸡肉食清光之后加汤打边炉。😋手切肥牛(细)到火锅店打边炉最紧要当然系肥牛啦, 呢度嘅手切肥牛油脂分布均匀, 口感超软腍, 牛味香浓, 细碟份量都唔少, 两个人食刚刚好。