侍元

营业中

休息中

今日有啲赶时间食lunch，见到呢间拉面店平平地，而且有种快餐店feel，就谂住入去食个quick lunch。点知认真睇下个menu之后发现，都几多野拣，除左拉面之外，仲有好多款唔同既定食同埋饭类，而且全部都唔贵😄 1⃣️东京风黑蒜油酱油拉面（$64） 拉面系香港食到呢个价真系算平😲酱油汤底都算香，带甜味，加上大量既木耳、粟米做配料，性价比好高。叉烧有两片，偏瘦，另外仲有半只糖心蛋。  2️⃣别府风血池地狱豚骨拉面（$64） 呢个汤底比我想像中辣！食落好惹味🔥另外豚骨汤底都浓，幼面挂晒啲汤汁👍  3⃣️炸鸡黑豚肉海军咖喱饭（$64） 咖喱系甜甜地既，黑豚肉切粒混合左落啲咖喱入面。炸鸡炸得够脆！鸡肉几滑😋  4⃣️炸鸡套餐（套餐+$24） 炸鸡有两件，炸得好脆好juicy，拉面加钱就可以有炸鸡加饮品。 5⃣️芝士春卷（$30） 有5条，薄脆，芝士唔算好浓，冇流心，纯粹食到啲芝士味咁。  6⃣️北海道南瓜饼（$18） 南瓜饼甜甜地好好食！而且炸得一啲都唔油。