Spade by Lassana (已結業)

虽然住得都算近油塘，但系都好少黎大本型商场，今次约左姑姐食晚餐。黎到油塘地铁站，企系车站内见到出面日落既景色真心觉得好美。(可惜无影相)唔知食咩晚情况下，拣左呢间餐厅。夜晚7点左右冇咩人，可以拣个靓位坐，餐厅对住大玻璃，景观开扬。有啲想食热香饼所以拣左呢个set但买完之后，见到厨柜上有All day breakfast餐牌，有点后悔冇睇清楚😫。(其实啲餐牌有啲乱，如果可以整一本menu就可以方便睇，因为门口又有d餐，收银位又有d餐，厨柜上又有d餐，可能成日转餐牌内容吧)买完之后佢会俾个号码牌你，然后会将食物送到枱上。炒蛋好滑，但冇咩味道🍳热香饼加猪枊加埋蜜糖🍯有少少似m记的味道😍烟肉唔太硬，但油左少少倾倾下计系时候食甜品，叫左个细既焦糖芝士蛋糕🧀，上面有一层脆脆的焦糖，烤到金黄色，但有少少㶶，食落去有啲苦。味道有好香浓既芝士味，好滑，唔算好甜，亦唔会太腻。就算1开2，饼底都唔会散开。