Bold Italic (已結業)

贱男BOND 有位细水长流既正印女友，每周末都会同佢穷游香港。妈妈教落，好女人要锡住你，同锡住你荷包。岩既，正因咁，贱男BOND 先有闲钱可以拈花野草周围FING。同女友行骆驼漆大厦，都系WINDOW SHOPPING 下，得个睇字唔洗洗钱就系最开心。上次一位CHEAP精巴打提过呢间BOLD ITALIC，望落门面都几有型格。最紧要系咩？ CHEAP 友就梗系睇价钱啦！ 望完MENU！两位唔该！合埋眼乱咁叫都仲得！「热带风情，人性服务， 平民价格」望落装修，几有玩味，见到有粉红鹤同好多橄榄树叶。贱男BOND 最重视服务，点解？ 好多人觉得坐得唔舒服俾侍应呼喝好有本土味，最紧要100蚊食到60蚊既食材如果咁样你真系食得开心，我无话可说。贱男BOND 唔系一般人，只系希望100蚊食到100蚊既食材，同100蚊既服务，唔贪心。临走女朋友同我讲下次再黎过咁抵食，我梗系赞成。