德美壽司 (德民街)

营业中

休息中

虽然呢排好似多番啲餐厅开夜少少，但喺黄埔区，想夜晚9点半后揾嘢食都唔系易事，凑巧经过民泰街附近，被一个个红当当的灯笼吸引目光。呢间食日本嘢的餐厅喺黄埔区内似乎几有名气，喺OpenRice亦见热烈讨论，于是就入去帮衬下。寿司盛合约有十贯，分别有吞拿鱼、三文鱼、池鱼、油甘鱼、帆立贝、鳗鱼、熟花竹虾、三文鱼籽、沢庵卷（即腌渍萝卜寿司）。除咗鱼类寿司味道有点blank之外，其他寿司味道都算鲜美，我最钟意系甚有口感的三文鱼籽寿司，以及味道几fresh的沢庵卷。牛油果软壳蟹卷最爱item！分量多多的软壳蟹炸得香脆而不硬，配埋香气十足的牛油果，好夹！大葱鸡肉串烧、带子串烧除咗寿司、炸物，都叫咗串烧试一试，分别有大葱鸡肉、带子。两款食物烧完都依然keep住juicy，抵赞！炸鸡软骨常见的日式炸物，平常发挥！始终都临近收舖时间，侍应及大厨的服务、上菜、埋单的速度都相当快手。