居食屋「和民」 (已結業)

又黎到中环，当然系拣和民食啦，价钱系中环黎讲真系平民价！我地等左大约5到10分钟就已经有位，真系比想象既黎得快，沿路行入去都会不断听到待应用日文嗌欢迎光临，果然系日本餐厅，总系会比到人好有礼貌既感觉。虽然餐牌上选择好多，但作为常客，我地会快手就嗌左个石锅鲑鱼亲子饭同埋石锅咖哩肉酱饭。例牌前菜都系类似韩式既粉丝，味道酸酸甜甜食完真系开胃。前菜都未食完正餐就上啦！先讲下石锅鲑鱼亲子饭，钟意食三文鱼饭既，依道菜就唔会令你失望啦，都系一般三文鱼饭既水平以上，但重点系，话明「亲子」，咁「子」呢？真系食完到揾唔到一粒鱼子啊！依道三文鱼饭，有沙律系面，比一般只有鼓油做酱汁既口感同味道都黎得更特别，加上系石锅我等左阵先捞所以都食到饭焦。之后系石锅咖哩肉酱饭，依个配搭都几特别，先系辣既咖哩同酸既肉酱食起黎味道比想像中配合，虽然蕃茄都占好多，但咖哩味并无因此而失色，总括都系中上。大家不妨试下！