生記飯店 (已搬遷) 新店位置

一直听讲生记系老一辈嘅名人饭堂，今次终于嚟到食。唔识过都唔会明白点解啲名人会钟意食呢间餐厅。佢系做一啲好普通嘅家常菜食但系就做得非常用心。滑蛋虾仁你以为佢好普通，同埋你以为所有人都整得差唔多味。其实真系要炒到个蛋够滑，虾又唔会太过老系好难㗎。新记嘅滑蛋虾仁炒得刚刚好啲蛋好似近乎生蛋质感咁但其实炒到熟晒，只虾又大又炒得够嫩。相比起莲藕饼就有啲普通。金银蛋炒苋菜。枸杞猪润系戏肉！猪润又肥煮得又滑嫩！猪润要咁厚身，但系煮完之后又唔会太老又要煮够熟，真系好难掌握！厨师手势即刻显到真章。超厚身。蜜汁叉烧真系唔野少，肥瘦适中入口香软。