牛脾氣

营业中

休息中

今日同老公踩单车去大埔，见到呢间舖头名叫牛脾气，个名好得意，似足牛脾气嘅老公，所以就拣左呢间食晚饭。餐厅唔大唔细，灯光光猛，好干净，空间宽阔，坐得好舒服。呢度种类都唔少，全日套餐有牛类、猪类同海产类，另外有好多小食拣同埋炉端石板烧，价钱一d都唔贵。老公发办点左个小食，两个全日套餐。小食系芝麻鸡翼，鸡翼刚炸起，热辣辣，入口香脆，芝麻味仲好香，好好食。先黎个黑椒牛舌饭，呢个全日套餐仲跟埋沙律同高罐汽水。沙律菜洗得干，爽口，酱汁系日式酱汁，食落去酸酸地几开胃。牛舌唔太韧，味浓，有黑椒味但唔辣，珍珠米软硬适中，带少少牛肉汁，老公话呢个餐都唔错。我就叫左个吉烈芝士猪扒饭配明太子沙律酱全日餐，猪扒够厚身，咬落去有吉烈果种轻脆感觉，入口有好香芝士味但唔漏，仲有明太子沙律酱上面嘅粒粒蟹子，整体好有口感。下面仲有一只半生熟鸡蛋，煎得几好㖞，好香。