老爹茶居

营业中

休息中

话说好耐冇去过马鞍山呢一边食嘢, 大家都知道马鞍山系美食沙漠。今次介绍个啱啱搬入马鞍山嘅朋友一齐出嚟食少少嘢。晚市时段非常人头涌涌, 但系都叫做唔使等位有得入啦。今次朋友叫左个烧春鸡意粉伴洋葱汁, 我就叫咗厚切猪扒配意粉。set dinner有包有汤, 我就要咗忌廉汤都ok啦, 朋友要咗罗宋汤都有啲杂菜咁。嚟主菜嘅时候烧春鸡真系有惊喜, 冇谂过会有半只。烧春鸡嘅肉都几滑溜, 另外就系厚切猪扒, 个猪扒够厚身, 好弹牙而且份量很足够。最后仲有两杯特饮, 我唔记得咗影相一杯系柚子茶, 另一杯系珍珠朱古力。饮品就偏甜啦, 如果怕甜嘅朋友, 我建议走甜或者饮热饮会好啲。