越旺美食 (裝修中)

一位住喺大角咀嘅亲戚，特登带我嚟呢间，可以用平民价食到嘅越南美食。我哋叫咗必叫嘅马来奶油虾，非常有惊喜，虾肉新鲜弹牙，而且配上奶油汁，加埋越式香料，每只虾都炸到好脆而且挂满酱汁，价钱优惠份量又多，好食到我忍唔住连下面嘅粉丝都食晒，而且一定要加佢哋嘅蒜蓉包或者薄饼，咁就一定汁都唔会浪费，呢个菜式真系进店必食。另外仲叫咗佢哋嘅豉椒蛏子，新鲜程度满分，而且唔会好似出边咁，壳多过肉，而系好似食极都食唔完咁，可以喺边度揾到咁平价嘅美食。