袁記雲餃

营业中

休息中

今日来到深水埗食呢间好多分店嘅饺子店，其实都成日喺唔同嘅地方见到，一直都扚起心肝食，始终觉得连锁舖头嘅质素会唔会唔系太好呢？但深水埗嘅圆方饺子我真系食过好多次想食吓第二间，咁就试伏嘅心态去尝试啦，首先佢间铺真系好干净，喺观感上真系加咗好多分数，价钱亦都好公道，喺我心目中饺子一定要系韭菜饺，冇计呢个系北方嘅传统，所以我就叫咗12只韭菜饺套餐，拣最传统嘅清汤，因为我想食到新鲜饺子嘅鲜味，加咗个油菜同埋冻豆浆，可以先讲讲个饺子，真心惊喜，佢系最传统𠮶只厚皮，点解会话系厚皮好呢？因为喺高温烹煮过之后𠮶啲猪油就会溶咗落去韭菜𠮶度，薄皮就会好易煮到佢烂啲肉汁流走，厚皮就可以完美锁住啲猪肉嘅汁，加上佢𠮶啲猪肉嘅馅料系冇雪柜味，因为好多舖头佢包落去𠮶下系新鲜，但系佢嘅材料都系雪住，而佢呢个处理得好所以佢就冇呢个问题，真系值得一赞，至于油菜就正正常常冇乜好讲，但佢哋嘅豆浆真系唔啱我口味，有别于我哋由细饮到大个只，味到偏淡口冇乜豆味，咸鱼青菜，各有所爱。