Hungry Korean (蘭桂坊)

营业中

休息中

中环要平平地食个饭都唔容易，呢间韩食都算区内平民价而质素亦合理。💛铺面唔大，唔会话坐得好舒服，当系一间食韩国菜嘅茶餐厅咁啦。卷物比较中意韩式嘅做法，饭较烟韧，配料多又开胃，虽然只系将啲前菜放晒入去，但加埋个感觉会好食左😂配料拣咗猪肉，但又真系食唔到有猪肉，比例上差啲。主食叫左甜鸡肉，铁板上，除咗鸡肉仲有椰菜萝卜，食得健康。鸡肉应该系用鸡扒或鸡脾肉，肉质比较嫩滑，椰菜索咗啲汁几好味。另一个系豆腐海鲜锅，我就无试，入面有豆腐，虾，青口，蛋，睇落比较简单，我觉得可以试吓自己系屋企整。叫咗三样嘢加埋大概$160，质素对得住个价钱啊。