夢工房西日料理 (已結業)

呢一间日式放题，之前都食过，胜在款式多，环境好，黄金时段价钱都唔贵。日式放题好唔好食，第一大重点就系睇过刺身，呢度嘅刺身你take几多件，佢就会嚟几多件，全部都好新鲜又够厚切。我最钟意食嘅甜虾就系原只上。咁嘅价钱有新鲜嘅刺身食已经值回票价。其他好多放题有嘅食物，呢度全部都有。我就讲吓啲比较特别嘅，呢个烧汁肥牛十足有牛丼的感觉，份量唔会好多，牛又唔会太油腻。呢度嘅寿司同埋卷物都系有平均嘅水准以上嘅，推荐炙烧和牛寿司，鳗鱼寿司，左口鱼寿司，同埋佢最出色嘅松露带子寿司，松露味够香带子又够厚切。全部嘅寿司同埋手卷饭量唔会太多，唔会食到大家饱饱济济。炸物亦都系放题嘅另一大重点，除咗有必食嘅虾天妇罗同蔬菜天妇罗之外，佢有几样特别嘅例如炸饺子，炸鸡翼，炸紫薯波波，炸萝卜丝等。好多放题嘅甜品都系普通雪糕任食，呢度就唔同啦有好多款唔同嘅牌子嘅雪糕雪条，包括呢只香港品牌嘅雪糕就唔系度度都有得食啦，我最钟意就系呢只海盐味嘅雪糕。另外任叫任食嘅仲有绵绵冰，牛奶味上面仲有啫喱同埋朱古力几特别。