影片
更多
2022-09-13
126 浏览
以前食过观塘嘅小火焰餐厅，真系食过返寻味。今日嚟到大围嘅分店，一样冇令我失望。不过好少午餐嚟到呢度食，发现价钱比起晚饭更加实惠，食物性价比超高。午市套餐包饮品，或者加钱转特饮。忌廉蟹肉饼（ $16 ）肉饼金黄香脆，里面充满着丰富浓厚既忌廉嘅蟹肉。一定要叫！大酱牛肉粉丝锅（$68）食物到既时候个锅中系沸腾中，大酱汤好饮，但稍嫌味道较淡，而且粉丝唔够嚼劲， 有啲淋， 胜在肥牛又香又嫩补救。拉丝芝士烤猪肉拌泡菜炒饭（$78）$78食到个咁大兜，而且真材实料嘅泡菜炒饭真心抵。超邪恶既拉丝芝士同埋烧烤酱汁，一啲都唔吝啬， 我都唔想谂食咗几多卡路里。猪肉质感有啲似汉堡扒，比起烤猪肉，我认为BB猪肋骨比较好食，大家可以拣呢一款。同埋请注意绿色嘅系辣青椒，本身以为系普通青椒，点知一食，即刻想喷火😂钟意食辣嘅可以挑战下。红柚荔枝梳打（+$28）正常发挥， 荔枝味特浓，味道偏甜，梳打冇乜气。但系打卡一流。岩盐焦糖咖啡（+$10）超香浓嘅焦糖咖啡，每次嚟到都一定系叫呢款。奶味同咖啡味都超浓，上面仲有一层厚厚既忌廉，邪恶得来，令人又爱又恨。而且焦糖分量适中唔会太甜。
以前食过观塘嘅小火焰餐厅，真系食过返寻味。今日嚟到大围嘅分店，一样冇令我失望。不过好少午餐嚟到呢度食，发现价钱比起晚饭更加实惠，食物性价比超高。午市套餐包饮品，或者加钱转特饮。
忌廉蟹肉饼（ $16 ）
肉饼金黄香脆，里面充满着丰富浓厚既忌廉嘅蟹肉。一定要叫！
大酱牛肉粉丝锅（$68）
食物到既时候个锅中系沸腾中，大酱汤好饮，但稍嫌味道较淡，而且粉丝唔够嚼劲， 有啲淋， 胜在肥牛又香又嫩补救。拉丝芝士烤猪肉拌泡菜炒饭（$78）
$78食到个咁大兜，而且真材实料嘅泡菜炒饭真心抵。超邪恶既拉丝芝士同埋烧烤酱汁，一啲都唔吝啬， 我都唔想谂食咗几多卡路里。猪肉质感有啲似汉堡扒，比起烤猪肉，我认为BB猪肋骨比较好食，大家可以拣呢一款。同埋请注意绿色嘅系辣青椒，本身以为系普通青椒，点知一食，即刻想喷火😂钟意食辣嘅可以挑战下。
红柚荔枝梳打（+$28）
正常发挥， 荔枝味特浓，味道偏甜，梳打冇乜气。但系打卡一流。
岩盐焦糖咖啡（+$10）
超香浓嘅焦糖咖啡，每次嚟到都一定系叫呢款。奶味同咖啡味都超浓，上面仲有一层厚厚既忌廉，邪恶得来，令人又爱又恨。而且焦糖分量适中唔会太甜。
张贴
