意粉工房 (已結業)

南山邨除左有品香楼，其实系隔离既意粉工房都唔错。本身系叫糖室，专做甜品，依加转左手(定转左型😂)主打平民意粉，甜品就听闻系夜晚9点后会有(好似系🙈)。先讲下麻辣鸭胸意粉($48)，面身唔会太冧，因为唔想食太辣所以叫左小小辣，鸭胸煎得好香，呢款意粉都几惹味。份量以我晚餐咁细食黎讲，都算ok。饮品跟餐半价，或者加10蚊乳酪雪糕筒又得。另外我又试左个香蒜榄油哈哈哈意粉($50)，系用虾、虾干、樱花虾煮成，口感层次分明，虾肉够爽滑，虾干有咬口，加埋啲香蒜，配搭中式得黎又唔突兀。总括而言，呢间餐厅既意粉走既系有小小偏住家意粉既风格，意粉黎讲价钱亲民，值得一试。