影片
更多
2020-11-25
353 浏览
友人同我都系美食沙漠居民，想系马鞍山食餐好确实有点难道，今日又遇到同样问题，所以友人就提议不如到石门揾食。马鞍山过去都好方便，车程都只系10分钟左右，而且石门食肆林立又较少连锁集团食肆，食物质素更加讲究。我地两个行到聚友小厨后友人就话想小菜想试下，就直接入去帮衬下😋简单讲下餐厅内部，座位相隔距离宽敞，有卡位同圆桌，而且装修简洁干净企理，灯光充裕，整体黎讲环境舒适👍大澳香虾骨以虾酱腌新鲜肉排，香虾骨即炸出黎香味浓郁，未放落口已经闻到虾酱既味道。香虾骨咬落外层香脆内层松软，虾酱味道刚刚好唔会过咸，而且香虾骨份量十足有成8,9件，抵食又好味👍香煎蚝饼平时要去大排档先食到，呢道一样有。同样地蚝饼即叫即整，出到黎又热又香脆，蛋同粉浆比例好好，唔会食到成口都系粉，而且蚝仔份量都算多同大只，真系每一啖都食到蚝仔，爽👍北菇花胶扒豆苗此乃秋冬餐牌上既菜式，秋冬正值食豆苗既时候，豆苖配上花菇花胶就正正成为一道佳肴。花胶又软又滑，花菇又大又淋，豆苗又嫩又甜，三种食材吸收哂个芡汁，无得弹👍 食物质素好，价钱又平民，聚友小厨将会成为我既饭堂😋补上餐牌供大家参考
简单讲下餐厅内部，座位相隔距离宽敞，有卡位同圆桌，而且装修简洁干净企理，灯光充裕，整体黎讲环境舒适👍
大澳香虾骨
以虾酱腌新鲜肉排，香虾骨即炸出黎香味浓郁，未放落口已经闻到虾酱既味道。香虾骨咬落外层香脆内层松软，虾酱味道刚刚好唔会过咸，而且香虾骨份量十足有成8,9件，抵食又好味👍
香煎蚝饼
平时要去大排档先食到，呢道一样有。同样地蚝饼即叫即整，出到黎又热又香脆，蛋同粉浆比例好好，唔会食到成口都系粉，而且蚝仔份量都算多同大只，真系每一啖都食到蚝仔，爽👍
北菇花胶扒豆苗
此乃秋冬餐牌上既菜式，秋冬正值食豆苗既时候，豆苖配上花菇花胶就正正成为一道佳肴。花胶又软又滑，花菇又大又淋，豆苗又嫩又甜，三种食材吸收哂个芡汁，无得弹👍
食物质素好，价钱又平民，聚友小厨将会成为我既饭堂😋
补上餐牌供大家参考
张贴
