食意 (已結業)

朋友生日，佢系深水埗返工，上网揾一揾见到呢间环境唔差嘅意大利餐厅，就一于即刻打电话book位。嚟到呢度环境好光猛，坐位有空间，坐得舒适。前菜-意大利薄饼，香脆可香。配搭埋秘制茄蓉酱，既酸又清新😍意式风干火腿配哈蜜瓜，火腿咸香味浓，食完唔会太咸同埋口渴。哈蜜瓜清甜，成件事好配合👍美国IBP Prime西冷配火箭菜及巴马臣芝士，即使无任何酱汁都唔会dry，牛肉质嫩滑，肉汁丰富，只系加左海盐同黑椒，原汁原味，熟度同煮法都完美演译Prime西冷😋粉色汁莎乐美肠宽条面，粉色汁即系蕃茄汁，酸酸甜甜，宽条面烟韧有口感，加埋莎乐美肠嘅香脆，好有惊喜。饮品份量多，梳打同coke zero 好冷凉，爽哂😍😍总括而已，餐厅比我嘅感觉好好，友人亦好满意呢餐庆生安排，由其呢度service 非常好，服务员每道菜都会细心介绍，以客为本，食物亦都系即叫即整，食物质素同新鲜度都有保证。最重要嘅系全日都无加一服务费，lunch仲有9折添👍👍香港罕有的良心企业，支持支持🤗