炎天丼 (已結業)

喺香港净系食过一间天妇罗丼饭，就系炎天丼！因为食过一次之后就返唔到转头，平民价钱！高质天妇罗！仲要每一次都系食海鲜天丼，因为呢个丼饭系最多𩠌，可以试到最多嘢！普遍天妇罗丼饭都要百零蚊，呢间海鲜天丼只需要$80，性价比极高！海鲜天丼有菜心苗，虎虾，流心蛋，茄子，莲藕，鱿鱼，蟹柳棒。一上菜职员就叫我哋食咗菜心苗同埋虎虾先，菜心苗脆到索索声，但系相对上粉浆都比较多，所以食落比较油腻。虎虾好Juice。记得之前黎食有樽饭素喺枱面任加，呢樽饭素都系重点之一！送饭一流！但系今次唔见有，所以我哋问职员可唔可以要饭素，佢都系叫我地食左菜心苗同虎虾先，后来系疫情下嘅分隔版上见到贴住张纸话海胆饭素无货，所以无得供应我哋食完菜心苗同虎虾之后，有位职员主动行过嚟帮我哋加多少少饭素落去，好彩仲有得加！加完叫我哋到少少天妇罗汁落去一齐食，拮爆个流心蛋，真系连饭都好好食！