牛極 (大河道) (已結業)

最近疫情都唔敢周围出街食，通常都系外卖多，但食得多外卖都真系好需要堂食下。今日就约朋友来到荃湾堂食医肚，选择牛极原因系佢有一部大大部的空气清新机，而且位置都隔得算开，感觉安全好多。日本自助式售卖机挑选想食的餐，哇哇哇牛扒来讲，真系好抵食啊。我同朋友都点了杂扒餐，咩牛部位都有，而且份量也多，可以试到不同部位，才$95，好抵食啊。有一样嘢更抵食系白饭，汤，沙拉都任装，而且白饭食得出系日本🇯🇵米，真系做得正宗，而汤系好足料的罗宋汤，里面的牛肉同菜都好足料，煲得好入味好好饮，罗宋汤来讲真系好正宗啊。石烧牛好快上台，姐姐服务态度好好，又会帮我们影相。牛肉可以因应自己喜欢的成熟度来烧，生d又得，熟d又得，全凭自己控制，好玩又好食。呢度酱汁都有几款，配牛肉超好味，送饭开胃，再饮啖汤暖下胃，好正好正。以后食牛扒唔洗去d贵又唔饱的西餐厅，来牛极就得啦。