Burger Kitchen (已結業)

今晚经过大埔同朋友一齐食嘢， 见到大家都有啲肚饿，而喺大埔区虽然唔系太多西餐厅畀我哋选择， 见到呢一间专食汉堡包嘅餐厅咁我哋就行入去试下。大只佬汉堡: 呢一个汉堡内里D洋葱啲味鲜甜、 多芝士、 烟肉超好味 而且内里好多蔬菜 几清甜同埋蕃茄亦都好新鲜， 而且包入面有好大只嘅蛋， 比起一般汉堡包大份啲，同埋佢个包都好松脆。 所以我觉得呢一个汉堡包系店内镇店之宝。 个burger 餐系配埋个薯条，薯条好大条，系用大薯仔切条，Yum yum 😋 烧带子墨鱼汁意粉: 每一口意粉都充满住墨鱼汁味，另外佢个带子亦都烧得恰到好处，唔会太熟又唔会太生，最紧要系个意粉好够热，非常感受到店主对食物嘅要求。除咗汉堡包之外呢个意粉，我个人亦10分喜欢。蓝莓沙冰： 蓝莓沙冰呢一个我觉得都好好饮，因为佢个沙冰磨得好幼细同埋充满蓝莓味，食完个汉堡包之后饮杯沙冰个人特别提神。最后我觉得喺大埔都有高质素汉堡包西餐店，最紧要价钱又唔贵，我下次经过大埔都一定会去再试佢地其他burgers😊