添喜冰室 (已結業)

今日同朋友一齐去开旺角谂住食番个下午茶 ， 见到呢间添喜冰室好似几ok，就入咗去试下，一入去环境都几企理. 我地就试吓啦.日式鳗鱼炒饭: 其实呢个鳗鱼炒饭都几有惊喜，因为佢落嘅鳗鱼比例都算好多，同埋个鳗鱼汁同个炒饭，好match 。总括嚟讲 ，唔好以为茶餐厅炒日式饭唔够日本味，反而够镬气，有另一番滋味。我哋仲加咗$12叫咗个薯条添炒贵刁: 呢个炒贵刁其实建议食得辣嘅朋友去叫，其实佢呢个贵刁唔系落咗太多油去炒，都几考厨师嘅功夫，overall嚟讲呢个炒贵刁比其他茶餐厅水准较高同味道很好。朱古力雪糕咖啡: 饮到好有层次感，朱古力雪糕咖啡加上香滑的冰冻咖啡。因为之前食咗个炒贵刁 ，饮埋呢个甜甜地嘅咖啡 ，中和番， 所以呢个咖啡我觉得好好饮。雪糕红豆冰： 呢个雪糕红豆冰系我朋友嗌，我试咗少少， 佢摆咗都几多红豆，适合一啲钟意食红豆嘅人士叫，整体嚟讲呢杯嘢保持高质素茶餐厅嘅水准。食到差唔多见到隔离枱个鳗鱼滑蛋饭都好似唔错，下次经过再试下先。如果有朋友经过旺角，不妨可以试吓呢间平靓正嘅餐厅。