吉豚屋吉列豬扒專門店

营业中

休息中

我唔系住呢区嘅，以前有朋友住呢头介绍过呢间日本野好食，于是揾晚过来试下佢。菜单上都好多野可以叫，其中有啲仲分左松竹梅3个唔同份量，视乎大家个胃有几大啦。叫左个 吉列猪扒便当（$69）价钱几吸引，份量都唔算少，跟白饭+椰菜丝，仲有碗味增汤。猪扒炸酱唔会太多，层肉以呢个价钱来讲算厚，台面仲有酱汁可以自己加落猪扒度。味噌汤唔错，料都算多，唔会太咸。怕炸野太热气，另外叫多杯冻柑桔柠檬特饮（$15）$90蚊有找可以食到饱，会再返来食，试埋佢其他款式。唔方便嘅地方系，佢人流高峰期时会要大家坐一边，等之后嘅客入来一齐share 张台。不过我7点前已入坐，离开前搭左几分钟台啫。