冬蔭公公 (已結業)

香港食泰国餐一向都唔平，终于揾到间叫做唔错又唔太贵O既泰国野食下。我地两个人食，要o左个冬荫公幼薯粉，黄咖哩软壳蟹，油松饼同烧春鸡。冬荫公幼薯粉个汤底分3种辣，如果你唔太食得辣的话，可先试BB辣。我地试o左中辣，食食下都会觉得开始辣! 本身碗粉冇𩠌，如果要就另加，好似车仔面咁。不过我觉得加o既𩠌得好少，宁愿另外叫会抵d。但幼著粉真系好正，唔错!黄咖哩软壳蟹配油松饼真系冇得顶! 不过得一块油松饼就少o左D啦! 黄咖哩本身甜甜地，味道唔错! 软壳蟹炸得好脆，又唔会太油。不过$7X一个就比较贵o左少少。但都值得一试!我地得两个人食，所以只系叫o左半只烧春鸡。一黎到已经觉得劲香! 食落d肉好滑! 半只份量都唔算少，$3x抵食! 推介一试!!另外我地见佢d特饮全部半价，就要o左两杯咸青柠梳打，可惜难饮到爆!! 又唔咸又唔酸咁，完成系冇味得d气! 饮o左半杯都唔想再饮啰! 埋完单佢会交番张coupon，下次食就可以送一块油松饼。两个人都系食o左$16x，唔算贵! 下次会再食，但会饮第二d啰~