薩莉亞意式餐廳 (黃埔天地百寶坊)

营业中

休息中

萨莉亚出名走平民路线，今日想平平地食一餐，又唔想太颓，于是决定去萨莉亚用餐。两个人点左四款食物，平均每人$50，算抵食👍🏻辣味鸡翼($17):鸡翼虽然细细只，但香辣惹味，而且唔会太油腻。鸡肉嫩滑有汁，食落香口，唔错！铁板烧鱿鱼($28):原只烧鱿鱼，抵食👍🏻呢个系我ge至爱，鱿鱼烧得好香，外层带焦香，内里仍软熟有汁，爽口而且唔会太松散😋唔需要点蒜汁都好够味。蒜汁就稍微咸左d。海鲜烩意大利饭($32):个饭略微稀左d，番茄有d酸，而且饭稍微硬左d，唔太合个人口味。鸡肉粗管面($29):好"芝''味，芝士份量足，热腾腾，真系平平地都可以食得津津有味😁