生記粥店

营业中

休息中

行过天后， 想揾间粥舖食早餐， 见到生记粥店， 就走入去试下。 店面大小方面呢有啲窄小， 好似传统嘅粥面舖咁样 系用折凳， 所以老实讲唔会坐得好舒服。 我嗌咗两碗粥， 一碗系鱼片瘦肉粥， 另一碗系生滚猪润粥， 如果钟意食鲜甜味多少少嘅朋友可以食前者， 因为啲鱼肉的而且确好新鲜， 配埋肉碎嘅鲜甜， 食落去我比较钟意。 猪润粥都好食， 但系个粥底嘅味道层次比较单一， 倾向于肉粥嘅咸， 比较缺少一种鲜甜味。 另外叫咗个炸两 同埋煎堆， 都中上水平。 收费比较平民化， 服务都好有礼貌， 如果大家想怀旧下以前香港粥店嘅感觉可以过嚟食下。